اسرائیل نے 1967 میں مشرقی یروشلم پر قبضہ کر لیا تھا

خفیہ ذرائع سے سامنے آنی والی ریڈ کراس کی اس رپورٹ کہا گیا ہے کہ اسرائیل کے ان اقدامات سے مقبوضہ مشرقی یروشلم میں رہنے والے فلسطینیوں کے لیے ’انسانی بحران‘ پیدا ہو سکتا ہے۔

رپورٹ میں کہا گیا ہے کہ مغربی اردن میں باڑ کی تعمیر، شہر سے باہر مقبوضہ زمین پر یہودی آبادیوں کا قیام اور اسرائیلی علاقوں اور آبادیات کو آپس میں ملانے کے لیے سڑکوں کی تعمیر بین الاقوامی قوانین کی خلاف ورزی ہے۔

واضح رہے کہ 1967 کی جنگ کے دوران اسرائیل نے مشرقی یروشلم پر قبضہ کر لیا تھا۔ اس وقت سے اس علاقے کو بین الاقوامی قوانین کے تحت مقبوضہ قرار دیا جاتا ہے۔

دوسری جانب اسرائیل نے ریڈ کراس کی رپورٹ کو مسترد کرتے ہوئے کہا ہے کہ جن بنیادوں پر یہ رپورٹ بنائی گئی ہے وہ غلط ہیں۔