ایران کا اصرار ہے کہ اس کا جوہری پروگرام پرامن مقاصد کے لیے ہے

اس جوہری تنصیب کا دورہ کرنے والے گروپ میں شامل بی بی سی کے نامہ نگار کا کہنا ہے کہ یہ دورہ بہت تھوڑی دیر کے لیے کرایا گیا اور انہیں وہاں زیادہ دیر تک ٹھہرنے کی اجازت نہیں دی گئی۔ اس کے علاوہ سفارت کاروں کو نتز کی جوہری تنصیبات پر نہیں لے جایا گیا جہاں یورینیم کی افژودگی کی جاتی ہے۔

ایران نے اعلان کیا ہے کہ وہ نتز کی جوہری تنصیبات پر تین ہزار سینٹری فیوجز نصب کرنا چاہتا ہے۔

اقوام متحدہ نے ایران کو خبردار کیا ہے کہ اگر اس نے یورینیم کی افژودگی بند نہ کی تو اس پر مزید پابندیاں عائد کی جا سکتی ہیں۔ ایران کا کہنا ہے کہ اس کا جوہری پروگرام پرامن مقاصد کے لیے ہے۔