امریکی حکام کہتے ہیں وہ عراق میں کئی ایرانیوں سے پوچھ گچھ کر رہے ہیں

امریکی حکام کہتے ہیں کہ امریکی فوج نے عراق میں بہت سے ایرانیوں کو گرفتار کیا ہے جو حملوں کی منصوبہ بندی کر رہے تھے۔

عراقی صدر کے ایک ترجمان نے کہا ہے کہ مسٹر طالبانی واقعہ پر ناراضی کا اظہار کیا ہے۔

جبکہ وائٹ ہاؤس کا کہنا ہے کہ ان گرفتاریوں سے امریکہ کہ ان دعوؤں کو تقویت ملتی ہے کہ ایران، عراق میں گڑبڑ کروا رہا ہے۔

ایرانی خبر رساں ادارے اِرنا کی رپورٹ کے مطابق تہران میں امریکی مفادات کی نگرانی کرنے والے سوئٹزرلینڈ کے سفیر کو وزارت خارجہ طلب کرکے اس معاملے پر بات کی گئی ہے۔

ایرانی وزارت خارجہ کے ترجمان محمد علی حسینی کا کہنا ہے کہ ان گرفتاریوں سے بین الاقوامی قوانین کی خلاف ورزی ہوتی ہے اور اس کے نتائج خوشگوار نہیں ہوں گے۔

بغداد میں صدر جلال طالبانی کے ترجمان نے کہا ہے کہ ایرانی سکیورٹی اہلکار ان کی دعوت پر عراق آئے تھے تاکہ قیام امن میں مدد دے سکیں۔

امریکی حکام کہتے ہیں کہ انہوں نے دو سفارتکاروں سمیت کئی ایرانیوں کو گرفتار کیا ہے تاہم سفارتکاروں کو بعد میں رہا کر دیا گیا۔