عراق کو امن و امان کے قیام کے لیے ایران کی مدد کی شدید ضرورت ہے: صدر طالبانی

آیت اللہ خامنہ ای نے کہا کہ عراق میں عدم استحکام سے پورے خِطے پر اثر پڑتا ہے اور امریکہ اس میں بہتری نہیں لا سکتا۔

عراق کے صدر کا دورہ گزشتہ چالیس سال میں کسی بھی عراقی سربراہ مملکت کی طرف سے ایران کا پہلا دورہ ہے۔ صدر طالبانی فارسی زبان بھی بول سکتے ہیں۔

عراق کے صدر طالبانی اپنے ملک میں فرقہ واریت پر قابو پانے میں مدد کے لیے ایران کے دورے پر آئے ہیں۔ امریکہ بھی ایران کو شامل کرنا چاہتا ہے لیکن یہ نہیں معلوم کہ کس قیمت پر۔

لیٹویا میں نیٹو کے سربراہی اجلاس میں شرکت کے لیے جاتے ہوئے صدر بُش نے کہا کہ ایران کے مذاکرات اسی صورت میں ہوں گے کہ وہ یورینیم کی افژودگی کا پروگرام معطل کر دے اور اس بات کی تصدیق کی بھی سہولت فراہم کرے۔

عراق کے صدر نے پیر کو ایرن کے صدر محمود احمدی نژاد سے ملاقات کی تھی جنہوں نے کہا تھا کہ ایران اس سلسلے میں جو بھی ہو سکا کرے گا۔

احمدی نژ|د نے اصرار کیا کہ مستحکم، ترقی پسند اور طاقتور عراق پورے خطے اور ایران کے مفاد میں ہے۔

ایران کے ریاستی ٹی وی نے عراق کے صدر سے منسوب ایک بیان میں کہا کہ عراق کو سلامتی اور امن و امان کے قیام کے لیے ایران کی مدد کی شدید ضرورت ہے۔