غزہ میں 80 فیصد آبادی غربت میں رہ رہی ہے

اقوام متحدہ نے فلسطینیوں کی بحالی کے لیئے تینتیس کروڑ تیس لاکھ ڈالر کی اپیل کی ہے۔

اقوام متحدہ کے اہلکار جان اینگلینڈ نے امدادی اداروں سے کہا ہے کہ صورتحال انتہائی سنگین ہے اور اس پر فوری توجہ دینی ہوگی۔

انہوں نے غزہ کے حالات کو ایک ’ٹائم بم‘ قرار دیا ہے اور کہا کہ چودہ لاکھ لوگوں کو ایسا محسوس ہو رہا ہے کہ وہ ایک پنجرے میں قید ہیں، سرحدیں بند ہیں، ان کی معیشت تباہ ہو رہی ہے۔ بجلی کم ہے، پانی نا کافی ہے۔ ہمیں مزید امداد کی ضرورت ہے اور اس جنگ کے لیئے ایک سیاسی حل کا بھی۔‘

اقوام متحدہ کے اہلکار جان اینگلینڈ نے غزہ کے حالات کو ایک ’ٹائم بم‘ قرار دیا ہے اور کہا کہ چودہ لاکھ لوگوں کو ایسا محسوس ہو رہا ہے کہ وہ ایک پنجرے میں قید ہیں، سرحدیں بند ہیں، ان کی معیشت تباہ ہو رہی ہے۔ بجلی کم ہے، پانی نا کافی ہے۔

لبنان: ’50 ملین ڈالر کی امداد درکار‘

امکان ہے کہ اس کانفرنس میں شریک تقریباًً پچاس تنظیمیں سٹاکہوم میں فلسطینی امداد کی کانفرنس کے لیئے رک رہی ہیں۔

امریکہ اور یورپی یونین نے فلسطینی انتخابات میں حماس کی کامیابی کے بعد اپنی امداد روک دی تھی۔ سرکاری ملامزین کو کئی مہینوں تک تنحواہیں نہیں ملیں فلسطینی علاقوں میں یہ مالی بحران جاری ہے۔

فلسطینی علاقوں میں صورتحال کو سویڈن کے وزیر خارجہ نے تشویشناک قرار دیا ہے۔

اقوام متحدہ کے مطابق غزہ میں 80 فیصد افراد غربت میں رہ رہے ہیں۔

اقوام متحدہ کے جان ایگلینڈ کا کہنا ہے کہ وہ پچھلے پچیس سال سے فلسطینی علاقوں میں جا رہے ہیں لیکن ان کے پچھلے دورے میں انہوں نے فلسطینیوں میں اتنا غصہ اور نفرت پایا جس کی پہلی مثال نہیں۔