سیکیورٹی بہتر کرنے کے لیئے بغداد میں مزید فوج تعینات کی جا رہی ہے

کچھ اسی طرح کا پیغام برطانیہ کے عراق میں سبکدوش ہونے والے سفیر نے بھی وزیر اعظم ٹونی بلیئر کے نام ایک خفیہ دستاویز میں دیا ہے۔ سفیر نے عراق کی نسلی بنیادوں پر تقسیم کی پیشنگوئی کی ہے۔

پیشنگوئی  موجودہ حالات میں عراق میں کم درجے کی خانہ جنگی اور ملکی تقسیم کا امکان مستحکم جمہوریت کہ قیام سے زیادہ دکھائی دیتا ہے عراق میں برطانوی سفیر

امریکہ نے حال ہی میں سینتیں سو فوجیوں کو موصل سے بغداد منتقل کیا ہے تاکہ وہاں کی سیکیورٹی کو بہتر کیا جا سکے۔

امریکی فوج کے چیئرمین جائنٹ چیفس آف سٹاف کمیٹی جنرل پیٹر پیس نے کہا کہ عراق میں خانہ جنگی ہونے یا نہ ہونے کا انحصار عراقیوں پر ہی ہے۔

اس موقع پر امریکی وزیر دفاع ڈانلڈ رمزفلڈ بھی موجود تھے جنہوں نے خانہ جنگی کے امکان پر برا راست کوئی بات نہیں کی لیکن انہوں نے امریکی فوج کو عراق سے قبل از وقت نکالنے کے خلاف متنبہ کیا۔

برطانیہ کے عراق سے واپس آنے والے سفیر نے اپنے آخری سفارتی پیغام میں کہا کہ موجودہ حالات میں عراق میں کم درجے کی خانہ جنگی اور ملکی تقسیم کا امکان مستحکم جمہوریت کہ قیام سے زیادہ دکھائی دیتا ہے۔