اسرائیل امریکی اسلحہ کا سب سے بڑا خریدار ہے

نیویارک ٹائمز کی ایک رپورٹ کے مطابق اسرائیل نے یہ مطالبہ بارہ روز قبل لبنان پر فضائی حملے شروع کرنے کے بعد کیا تھا۔

معاہدے کے تحت امریکہ اسرائیل کو پانچ ٹن لیزر گائیڈڈ بم فراہم کرے گا۔

خصوصی ضمیمہ: لبنان پر اسرائیلی حملے

اس معاہدے پر عرب دنیا میں امریکہ کے خلاف اشتعال اور نفرت بڑھے گی کیونکہ امریکہ اتنے سنگین حالات میں اسرائیل کی بھرپور امداد اور حمایت کررہا ہے۔

اسرائیل اپنی ملٹری سٹریٹجی کے تحت پہلے ہی ’پریسیژن گائیڈڈ‘ یا تاک کر نشانہ لگانے والے میزائیل استعمال کررہا ہے۔

اسرائیل امریکی اسلحہ کا سب سے بڑا خریدار ہے۔

امریکہ اسرائیل کو ہر سال بالواسطہ یا بلاواسطہ کئی ملین ڈالر کی امداد بھی دیتا ہے۔

دوسری جانب امریکی وزیر خارجہ کونڈو لیزا رائس پہلے ہی کہہ چکی ہیں کہ مشرق وسطٰی میں فوری فائر بندی کی کوئی صورت نہیں ہے اور ایسا کہنا جھوٹا وعدہ کرنےکے مترادف ہوگا۔

امریکی وزیر خارجہ کے مشرق وسطٰی کے مجوزہ دورے کے باوجود امریکی موقف میں کوئی لچک نہیں آئی ہے۔ امریکہ کا کہنا ہے کہ وہ اسرائیل پر حملے بند کرنے کے سلسلے میں کوئی دباؤ نہیں ڈالے گا۔