حسن مجتبی سان ڈیاگو، کیلفورنیا

	شمالی کوریا نے دور مار کرنے والے میزائل داغے تھے

یہ بات امریکی ٹیلیویزن چینل ’اے بی سی نیوز‘ نے میزائيل سسٹم اور دفاعی ماہرین کے حوالے سے بتائی ہے-

اے بی سی نے بدھ کی شام اپنی جاری کی ہوئی ایک ویڈیو میں ماہرین کے حوالے سے خبردار کیا ہے کہ ویسٹ کوسٹ کے بڑے شہرو مثلاً ریاست کیلیفورنیا کے سان فرانسسکو اور لاس اینجلس، ریاست واشنگٹن کے شہرسیئٹل اور ریاست اوریگن کے شہر پورٹ لینڈ شمالی کوریا کے میزائلوں کے خطرے کی زد میں ہیں اور یہ خطرہ حقیقی ہے-

اے بی سی نیوز چینل نے مزید بتایا ہے کہ شمالی کوریائی میزائيلوں کے تجربات کے بعد پہلے فقط ہوائی کے بارے میں غیر یقینی سے کہا جارہا تھا کہ اسے خطرہ ہے لیکن اب ماہرین ویسٹ کوسٹ کو کوریائی میزائیلوں سے حقیقی خطرہ بتاتے ہیں-

اے بی سی نے کہا کہ منگل کو امریکہ کے شمالی دفاعی کمانڈ نے بیان جاری کیا تھا جس میں کہا گیا تھا کہ شمالی کوریائی میزائیلوں سے پیدا ہونے والے امکانی خطرات سے مقابلے کے لیئے امریکی میزائیلی دفا‏عی سسٹم مکمل طرح چوکنا ہے-