عراق میں رمادی مزاحمت کاروں کا گڑھ سمجھا جاتا ہے

خبر رساں ادارے اے پی کے مطابق رمادی کے مشرقی ضلعے میں فوج کی بکتر بند گاڑیاں آگے بڑھ رہی ہیں اور انہیں گن شپ ہیلی کاپٹروں کی مدد حاصل ہے۔

اتوار کو فوج نے رمادی کے جنوبی علاقوں میں اپنی چیک پوسٹیں قائم کیں جن کا مقصد ان کے مطابق شدت پسندوں کی سپلائی لائن کو کاٹنا ہے۔

تاہم اس سلسلے میں امریکی کمانڈروں کا کہنا ہے کہ یہ آپریشن کسی بڑے حملے کے سلسلے کا آغاز نہیں ہے۔

ایک علیحدہ کارروائی کے سلسلے میں وائٹ ہاؤس کے ترجمان نے کہا ہے کہ امریکی افواج دو امریکی فوجیوں کے تلاش میں ہیں جنہیں عراقی مزاحمت کاروں نے جمعہ کے روز اغوا کر لیا تھا۔ تاہم انہوں نے کہا کہ اس ضمن میں ابھی تک انتظامیہ کو کسی پیش رفت کی اطلاع نہیں ملی ہے۔