غزہ میں متحارب گروپوں کے درمیان مزید تصادم ہوئے ہیں( فائل فوٹو)

ادھر غزہ میں متحارب گروپوں کے درمیان مزید تصادم ہوئے ہیں اور اطلاعات کے مطابق حماس کے ایک کارکن کو ہلاک جبکہ سیکورٹی ایجنسی کے ایک کمانڈر کو زخمی کر دیا گیا ہے۔

واضح رہے کہ حماس کے انتخابات جیتنے کے بعد مغربی ممالک نے فلسطینی انتظامیہ کی اقتصادی امداد پر پابندیاں لگا رہی ہیں جس کی وجہ سے ہزارہا ملازمین کو گزشتہ کئی ماہ سے تنخواہیں نہیں ملی ہیں۔

ان پابندیوں نے فلسطینی حکومت کو تقریباً دیوالیہ کر دیا ہے۔ صورت حال اس وجہ سے مزید خراب ہوگئی کہ اسرائیل نے ابھی تک کسٹم ڈیوٹی کی شکل میں جمع کیے گئے لاکھوں ڈالر بھی فلسطینی حکومت کو نہیں دیے ہیں۔

ادھر حماس کے ایک کارکن کو خان یونس کے قصبے میں ان کے گھر کے سامنے گولی مار کر ہلاک کر دیا گیا ہے۔

اس سے قبل خان یونس میں ہی صدر محمود عباس کی حامی سیکورٹی ایجنسی کے ایک کمانڈر کو زخمی کر دیا گیا تھا۔ رفعت کلاب نامی کمانڈر کی کار پر اس وقت اچانک حملہ کیا گیا جب وہ اپنے دفتر جا رہے تھے۔ اطلاعات کے مطابق ان کی ٹانگوں میں کئی گولیاں لگیں۔

دریں اثناء حماس اور فتح کے کارکنوں میں کشیدگی ختم کرانے کی غرض سےصدر محمود عباس وزیر اعظم اسماعیل ہانیہ سے ملاقات کرنے والے ہیں۔