عراق میں امریکی فوجی کمانڈر جنرل کیسی الزرقاوی کی ہلاکت کی خبر سنا رہے ہیں۔

امریکی صدر جارج بش نے ابو مصعب الزرقاوی کی ہلاکت کو دہشت گردی کے خلاف جنگ میں اہم پیش رفت قرار دیا۔ انہوں نے کہا الزرقاوی عراق میں ہزاروں عراقیوں اور امریکی فوجیوں کی ہلاکت کے ذمہ دار تھے اور انہوں نے عراق میں امریکی سفارت کار کو بھی قتل کیا تھا۔

ابومصعب الزرقاوی فضائی حملے میں ہلاک

الزرقاوی’ شہید‘ ہوئے ہیں  القاعدہ کی ویب سائٹ پر جاری ہونے والے ایک بیان میں کہا گیا ہے کہ ابو مصعب الزرقاوی شہید ہو گئے ہیں۔ القاعدہ ویب سائٹ

برطانیہ کے وزیر اعظم ٹونی بلیئر نے ابو مصعب الزرقاوی کی ہلاکت کو ایک ’شاندار خبر‘ قرار دیتے ہوئے کہا کہ یہ ہلاکت عراق کے لیے بہت اہم ہے۔

آسٹریلیا کے وزیر اعظم جان ہاورڈ نے کہا کہ ابومصعب الزرقاوی کی ہلاکت عراق میں اتحادی فوجوں کے لیے بہت اچھی خبر ہے اور اس سے وہاں امن لانے میں مدد ملے گی۔

عراق کے وزیر اعظم نور المالکی نے کہا کہ ابو مصعب الزرقاوی کو عراقی عوام کی مدد سے ہلاک کیا گیا ہے۔ انہوں نے کہا کہ عراقی عوام کی طرف سے مہیا کی جانے والی خفیہ اطلاعات کی بنیاد پر ابو مصعب الزرقاوی کو ہلاک کیا گیا۔

افغانستان کے صدر حامد کرزئی نے کہا کہ ابو مصعب الزرقاوی کی ہلاکت سے دنیا سے دہشت گردوں کو ختم کرنے میں بہت مدد ملے گی۔

القاعدہ کی ویب سائٹ پر جاری ہونے والے ایک بیان میں کہا گیا ہے کہ ابو مصعب الزرقاوی شہید ہو گئے ہیں۔