سری لنکا میں تشدد کی حالیہ لہر میں 1000 افراد ہلاک ہو چکے ہیں

فوج کے ترجمان پرساد سمارا سنگھے نے خبر رساں ادارے اے ایف پی کو بتایا کہ باغیوں نے سنہالی قوم سے تعلق رکھنے والے چودہ مزدوروں کو پیر کو اغوا کیا اور ان میں سے بارہ کو بعد ازاں ہلاک کر دیا گیا۔

تامل ٹائیگر دہشت گردوں میں شامل

ترجمان کا کہنا تھا کہ’دو افراد گولیاں لگنے سے زخمی ہونے کے بعد بچ نکلے اور انہوں نے ہی منگل کی صبح پولیس کو اس واقعے کی اطلاع دی‘۔ یہ بات بھی واضح نہیں ہو سکی ہے کہ حکومتی تعمیراتی منصوبے پر کام کرنے والے ان مزدوروں کو کس بنیاد پر نشانہ بنایا گیا۔

تامل باغیوں نے فوج کے اس الزام کی تردید کی ہے اور اس واقعے سے لاتعلقی کا اظہار کیا ہے۔ ایک تامل باغی رہنما سیوارتنم پلیدیون کا کہنا تھا کہ’ ہمارا اس قسم کے قتلِ عام سے کوئی تعلق نہیں‘۔

یاد رہے کہ پیر کو یورپی یونین نے تامل باغیوں کی تنظیم کو ممنوعہ دہشت گرد تنظیموں کی فہرست میں شامل کر لیا تھا۔ سری لنکا میں تشدد کی حالیہ لہر میں ایک ہزار سے زائد افراد ہلاک ہو چکے ہیں۔