فوج کے سربراہ جنرل سارتھ فونسیکا منگل کے حملے میں بری طرح زخمی ہوئے ہیں

تامل علاقوں پر یہ بمباری منگل کو کولمبو میں فوجی ہیڈ کوارٹر پر خودکش بم حملے کے بعد کی گئی ہے۔ اس حملے میں کم سے کم آٹھ افردا ہلاک ہو ئے اور اس میں فوج کے سربراہ لفٹننٹ جنرل سارتھ فونسیکا بری طرح زخمی ہوئے ہیں۔

فوجی ذرائع کے مطابق حملہ آور خاتون نے اپنے آپ کو حاملہ ظاہر کیا تھا اور کہا تھا کہ اس کا فوجی ہسپتال کے ایک ڈاکٹر کے ساتھ اپوائنٹمنٹ ہے۔ فوجی احاطے میں داخل ہونے کے بعد اس خاتون نے ہسپتال کے باہر فوجی سربراہ کی گاڑی کے پاس یہ دھماکہ کر دیا۔

فوج کے مطابق اس حملے میں ستائیس افراد زخمی ہوئے ہیں۔

یہ سری لنکا کے دار الحکومت میں سنہ دو ہزار چار کے بعد پہلا خودکش حملہ ہے۔ پولیس کا کہنا ہے کہ بظاہر لگتا ہے کہ یہ تامل باغیوں کا ہی کام تھا۔