ابقائق دنیا بھر میں تیل صاف کرنے کا سب سے بڑا کارخانہ ہے

سعودی عرب کے سرکاری ٹیلی ویژن پر جاری ہونے والے وزارت داخلہ کے بیان کے مطابق یہ شدت پسند فروری میں ابقائق میں تیل کے کارخانے پر حملے کے منصوبے میں ملوث تھے۔

اس موقع پر دکھائی جانے والی ایک ٹیپ میں مبینہ شدت پسندوں کو بم حملے میں استعمال کی جانے والی کاروں کو تیار کرتے دکھایا گیا ہے۔

ٹی وی رپورٹ کے مطابق وہ ٹیپ اور ڈیڑھ ٹن دھماکہ خیر مواد دارالحکومت ریاض سے باہر واقع ایک وئیرہاؤس سے ملے ہیں۔

مارچ کے آخر میں سعودی حکام نے اعلان کیا تھا کہ انہوں نے مبینہ طور پر القاعدہ سے تعلق رکھنے والے 40 شدت پسندوں کو گرفتار کیا ہے جن میں سے 8 ابقائق پر حملے کے مبصوبے میں ملوث بتائے جاتے ہیں۔

24 فروری کو ابقائق پر ہونے والے ناکام بم حملے میں سکیورٹی اہلکاروں نے بارود سے لدی دو کاروں کو اس وقت گولیوں کا نشانہ بنایا جب اس کے مرکزی دروازوں تک پہنچنے کی کشش کر رہے تھے۔

اس ناکام حملے کے تین دن بعد ریاض میں سکیورٹی اہلکاروں نے حملے کی منصوبہ بندی میں ملوث پانچ مبینہ شدت پسندوں کو ہلاک کر دیا تھا۔