احمدی نے صدر بش پر اسرائیل کی طرف داری کا الزام لگایا

انہوں نے صدر بش پر فلسطینیوں کے گھروں کی تباہی کے لیے اسرائیل کی طرف داری کرنے کا بھی الزام لگایا اور ان کا کہنا تھا کہ انہیں آزادی اور انسانی حقوق پر بات کرنے کا کوئی حق نہیں ہے۔

احمدی نژاد نے اپنی اس بات کو دہرایا کہ ایران اپنے پرامن جوہری پروگرام سے دستبردار نہیں ہو گا۔

امریکہ ایران کے جوہری پروگرام کے معاملے کو سلامتی کونسل میں اٹھانے کے حوالے سے پیش پیش ہے۔

ایران کا کہنا ہے کہ اگر اس کے جوہری پروگرام کا معاملہ سلامتی کونسل کے سپرد کیا گیا تو وہ آئی اے ای اے کے ساتھ تعاون ختم کردے گا۔