چیک پوسٹ پر مزاحمت کاروں نے راکٹ سے چلنے والےگرینیڈ برسائے

پولیس کے مطابق عراقی دارالحکومت بغداد سے سو کلو میٹر شمال میں واقع العظیم میں اس چیک پوسٹ پر مزاحمت کاروں نے راکٹ سے چلائے جانےوالے گرینیڈ برسائے۔

یہ حملہ عراق میں برطانیہ کے سابق سفارت کار سر جیریمی گرین سٹاک کے اس بیان کے فورا بعد ہوا ہے جس میں انہوں نے کہا تھا کہ عراق میں پانچ سال تک مزاحمت کے جاری رہنے کا امکان ہے۔

اس ماہ کے آغاز میں العظیم میں ہی ایک اور حملے میں تقریبا انیس عراقی سپاہی ہلاک ہوئے تھے۔ بعقوبہ اور اس کےاطراف کا علاقہ پر تشدد واقعات کا مرکز رہا ہے۔

عراقی سکیورٹی فورسز کے اراکین مزاحمت کاروں کی جانب سے متواتر حملوں، اغواء اور پھانسی جیسے واقعات کا نشانہ بنتے رہے ہیں۔