ماہرین کے مطابق ایسٹ افریقہ فالٹ لائن پر ہے۔

ریکٹر سکیل پر زلزلے کی شدت چھ اعشاریہ آٹھ ریکارڈ کی گئی ہے۔ زلزلے کا مرکز کانگو کی تانگانیکا جھیل کے نزدیک بتایا گیا ہے۔

زلزلے کے جھٹکے کینیا، تنزانیہ، رونڈا ، کانگو اور برنڈی میں محسوس کیے گئے لیکن کسی بڑے جانی نقصان کی اطلاعات نہیں ہے۔ علاقے میں مواصلات کا نظام زیادہ اچھا نہ ہونے کی بنا پر زلزلے سے ہونے والے نقصانات کا صیح علم نہیں ہو سکا ہے۔

نیروبی سے ملنے والی اطلاعات کے مطابق زلزلہ اتنا شدید تھا کہ لوگوں میں خوف و ہراس پھیل گیا اور لوگ دفاتر اورگھروں سے باہر نکل آئے۔

ایک امدادی کارکن نے بتایا ہے کہ زلزلے کے مرکز کے نزدیکی علاقے سے بتایا کہ زلزلے سے کئی گھر گر گئے ہیں، اور کئی بچے عمارتوں کے نیچے آگئے ہیں۔

علاقے میں ذرائع ابلاغ کی سہولتیں کم ہونے کی وجہ سے زلزلے سے ہونے والے نقصانات کا صیح علم نہیں ہو سکا ہے۔

اقوام متحدہ کے اہلکار مائیکل بونارڈیو نے گانگو کے دارلحکومت سے بتایا کہ زلزلے سے بہت سارے گھروں کو نقصان پہنچا ہے۔ انہوں نے بتایا کہ ان کو لوگوں نے بتایا کہ کئی لوگ ہلاک اور کئی زخمی ہو ہو گئے مرنے اور زخمی ہونے کی صیح تعداد کا علم نہیں ہے۔