کہا جا رہا ہے کہ بھوک ہڑتال کرنے والوں کی تعداد کہیں زیادہ ہے

ان کا کہنا ہے کہ بھوک ہڑتال کرنے والوں میں سے بیس کی جان اب خطرے سے باہر ہے لیکن وہ ابھی تک ہسپتال میں ہی ہیں جہاں ان کو زبردستی خوراک دی جا رہی ہے۔

گوانتانامو میں قید ان افراد نے جیل میں غیر انسانی سلوک پر احتجاج کرتے ہوئے آج سےسات ہفتے پہلے کھانا کھانے سے انکار کر دیا تھا۔ ان میں سے زیادہ تر قیدیوں کو کوئی مقدمہ درج کیے بغیر ابھی تک قید میں رکھا ہوا ہے۔

بھوک ہڑتال کرنے والے کئی قیدیوں نے شروع میں ہی ہڑتال ختم کر دی تھی۔ تاہم گوانتاناموبے کے قیدیوں کے وکلاء کا کہنا ہے کہ بھوک ہڑتال کرنے والوں کی تعداد امریکی فوج کی بتائی گئی تعداد سے کہیں زیادہ ہے۔

انہوں نے امریکی عدالتوں سے اپیل کی ہے کہ وہ بھوک ہڑتال کرنے والوں کی نگرانی کریں۔