پندرہ اکتوبر کے ریفرنڈم سے قبل شدت پسندوں کے حملوں میں تیزی آ گئی ہے

پولیس کا کہنا ہے کہ حلّہ کے دھماکے میں تیس سے زیادہ افراد زخمی بھی ہوئے ہیں۔یہ دھماکہ مقامی وقت کے مطابق صبح آٹھ بج کر پنتالیس منٹ پر ایک پر ہجوم بازار میں ہوا۔

عراق کی شیعہ آبادی تشدد کی کارروائیوں کا نشانہ بنتی رہی ہے اور حلّہ بھی شیعہ اکثریتی قصبہ ہونے کی وجہ سے ماضی میں بھی شدت پسندوں کے حملوں کا مرکز رہا ہے۔

یاد رہے کہ جمعرات کو بھی بغداد کے شمال میں شیعہ اکثریتی شہر بلد میں بھی تین کار بم دھماکے ہوئے تھے جن میں پچانوے سے زیادہ افراد ہلاک جبکہ سو کے قریب زخمی ہوئے تھے۔