میزائل سے ایک اردن کا ایک فوجی ہلاک اور ایک زخمی ہو گیا تھا۔

اردن کی پولیس کے مطابق گرفتار کیا جانے والا شخص ان لوگوں میں شامل تھا جن کی امریکی بحری جہازوں پر راکٹ داغنے کے سلسلے میں تلاش کی جارہی تھی۔

جمعہ کو ہونے والے اس حملے میں امریکی بحری جہاز تو بچ گئے لیکن اردن کا ایک سپاہی ہلاک اور ایک زخمی ہو گیا تھا۔

یہ میزائل امریکی جہاز یو ایس ایس اشلینڈ کے اوپر سے ہوتا ہوا گزرا اور قریب واقع گودام کی چھت پر جا گرا جس کے نتیجے میں وہاں موجود ایک اردنی سپاہی ہلاک اور دوسرا زخمی ہو گیا۔

اس حملے کے کچھ دیر بعد ایک اور میزائل داغا گیا۔ یہ میزائل بھی اردن کی بری حدود سے داغا گیا تھا۔ اس میزائل کا نشانہ اسرائیل کے قریبی علاقے ایلیٹ کا ایک ہوائی اڈہ تھا۔

عقبہ اور ایلیٹ ایک دوسرے سے پندرہ کلو میٹر کے فاصلے پر ہیں اورتفریحی مقام بحیرہ احمر کی شمالی سرحد پر واقع ہیں۔