عراق کے سابق صدر غازی الیاور، موجودہ صدر طالبانی اور کرد رہنما آئینی مسودے پر بات چیت کے دوران

اس سے قبل دوسرے ذرایع سے ملنے والی اطلاعات میں بتایاگیا تھا کہ آئینی مسدوے پر اختلافات کم کرنے میں پیش رفت ہوئی ہے اور تیل سے حاصل ہونے والی آمدنی کی تقسیم پر مفاہمت ہو گئی ہے۔

تاہم اس کے ساتھ ہی یہ بھی بتایا گیا تھا کہ بعض اہم امور پر جن میں شراکتِ اقتدار کا کا تناسب و طریقہ بھی شامل ہے، کوئی مفاہمت نہیں ہو سکی۔ اس میں وفاق اور صوبوں کے اختیارات کا معاملہ بھی شامل ہے۔

عراق میں سیاسی رہنما مفاہمت کی کوششوں مصروف تھے اور پیش رفت کے حوالے سے یہ بتایا جا رہا تھا کہ کرد اور شیعہ گروہوں اپنے ان مطالبات واپس لے لیے ہیں۔

ملک کے نام میں مفداہمت کا عندیہ دیا گیا ہے اور نام میں وفاقی یا اسلامی کے الفاظ شامل کرنے پر اصرار ختم کر کے ملک کا نام جمہوریہ عراق قرار دینے پر اتفاق کر لیا گیا ہے۔