ترقی یافتہ جاپان میں یہ اپنی نوعیت کا انوکھا حادثہ ہے۔

اوساکا کے علاقے میں ایک مسافر ٹرین پٹڑی سے اتر کر عمارت سے جا ٹکرائی جب وہ صبح کے رش کی وجہ سے مسافروں سے بھری ہوئی تھی۔ کچھ مسافروں کے مطابق ٹرین حادثہ تیز رفتاری کا نتیجہ ہے کیونکہ ٹرین پٹڑی سے اترنے سے پہلے کانپنا شروع ہو گئی تھی۔

ٹرین میں حادثے کے وقت چھ سو مسافر سوار تھے۔ تازہ اطلاعات کے مطابق ابھی تک کئی مسافر ٹرین میں پھنسے ہوئے ہیں۔ امدای کارروائیاں جاری ہیں۔

حادثے کا شکار ہونے والی ٹرین کے ایک مسافر نے جاپانی ٹی وی چینل ’این ایچ کے‘ کو بتایا ہے کہ اس نے کئی مسافروں کو شدید زخمی حالت میں دیکھا ہے اور ان کی ہڈیاں ٹوٹی ہوئی تھیں۔

ترقی یافتہ جاپان میں یہ اپنی نوعیت کا انوکھا حادثہ ہے۔ جاپان کا ریلوے نظام دنیا کا سب سے بہترین نظام مانا جاتا ہے۔