زخمی ہونے والے نصف فوجی واپس نوکری پر آ چکے ہیں

ہلاک ہونے والے ان پندرہ سو فوجیوں میں سے تین چوتھائی مزاحمت کاروں کے حملے میں جبکہ باقی مختلف حادثات میں ہلاک ہوئے ہیں۔

ان دو سال کے دوران زخمی ہونے والے گیارہ ہزار کے قریب فوجیوں میں سے نصف صحتیاب ہونے کے بعد اپنی نوکری پر واپس آ گئے ہیں۔

امریکی وزیر دفاع پینٹاگن میں بی بی سی کے نامہ نگار نے کہا ہے کہ فوجیوں کے ہلاک اور زخمی ہونے کی تعداد سے عراق میں امریکی کارروائی پر کوئی اثر نہیں پڑے گا۔

تاہم عوامی رائے عامہ کے جائزوں کے مطابق امریکی عوام کا اعتماد جنگ پر کم ہوتا جا رہا ہے اور ان جائزوں میں شامل ہونے والے امریکیوں کی پچاس فیصد تعداد سمجھتی ہے کہ عراق میں فوجی کارروائی کا کوئی نتیجہ نہیں نکلے گا۔