 |  عراق میں امن وامان کی صورتحال اطمینان بخش نہیں |
عراقی پولیس کے ترجمان کا کہنا ہے کہ بغداد کےشمالی قصبےدجیل میں ایک الیکشن آفس پر مارٹر بم حملے میں دو خواتین ہلاک اور آٹھ افراد زخمی ہوگئے۔ زخمیوں میں عراقی سکیورٹی فورس کے چھ ارا کین بھی شامل ہیں۔ یہ افراد الیکشن آفس کی حفاظت پر مامور تھے۔عراقی پولیس کو بیجی نامی قصبے سے دو عراقی مردوں کی لاشیں بھی ملی ہیں۔ اطلاعات کے مطابق پانچ مارٹر بم اس عمارت پر گرے جہاں عراقی عوام کو تیس جنوری کو ہونے والے انتخابات کے بارے میں معلومات فراہم کی جا رہی تھیں۔ ایک اور واقعے میں شمالی عراقی شہر موصل میں ترک سفارت خانے کے کئی محافظوں کو موت کے گھاٹ اتار دیا گیا ہے۔ ترک وزارتِ خارجہ کی جانب سے جاری کردہ ایک بیان میں کہا گیا ہے کہ یہ محافظ بغداد میں ترک سفارت خانے کی حفاظت کے لیے جا رہے تھے جب ان پر رات کی تاریکی میں حملہ کیا گیا۔ اس حملے میں گاڑی کے ڈرائیور سمیت تین محافظ بچ نکلنے میں کامیاب ہوگئے۔ | 
یہ صفحہ دوست کو ای میل کیجیئے
پرِنٹ کریں
