فریدون جہانی بدھ سے لاپتہ ہیں

ایرانی حکومت کے مطابق فریدون جہانی کو اس وقت سے لا پتہ ہیں جب وہ بغداد سے کربلا جارہے تھے۔ وہ کربلا میں ایرانی قونصلر کا عہدہ سنبھالنے کے لیے جارہے تھے۔

اس سے پہلے ایرانی ٹیلی ویژن نے کہا تھا کہ عراق میں ایک ایرانی سفارت کار کو اغوا کرلیا گیا ہے اور بغداد میں ایرانی سفارت خانے نے سفارت کار فریدون جہانی کے اغوا کی تصدیق کردی ہے۔

ٹی وی رپورٹ کے مطابق فریدون جہانی کو اس وقت اغوا کرلیا گیا جب وہ بغداد سے کربلا جارہے تھے۔ وہ کربلا میں ایرانی قونصل کا عہدہ سنبھالنے کے لئے جارہے تھے۔

ان کے اغوا کی پہلی خبر اس وقت ملی جب دوبئی میں ایک عربی ٹیلی ویژن کو ایک وڈیو فراہم کی گئی۔ اس وڈیو میں ایک پاسپورٹ دکھایا گیا ہے جس سے فریدون جہانی کی شناخت ہوتی ہے۔

اس وڈیو میں اسلامی آرمی نامی ایک تنظیم نے فریدون جہانی کے اغوا کرنے کا دعویٰ کیا ہے۔ اس کے ساتھ جو بیان ہے اس میں فریدون جہانی پر فرقہ وارانہ کشیدگی پھیلانے کا الزام لگایا گیا ہے۔

وڈیو میں ایران پر عراق کے داخلی امور میں مداخلت نہ کرنے کا انتباہ دیا گیا تھا۔