لینڈی انگلینڈ کی تصاویر تمام بین الاقوامی ذرائع ابلاغ نے شائع کی تھیں

لنڈی انگلینڈ کے وکلاء نے ایک درخواست میں کچھ جرنیلوں سمیت درجنوں فوجیوں کو گواہوں کے طور پر پیش کرنے کے لیے کہا تھا۔ اس درخواست کے بعد فوجی جج کرنل ڈینز آرن نے سماعت کو ملتوی کر دیا۔

ان گواہوں میں نائب صدر ڈک چینی اور وزیر دفاع ڈونلڈ رمز فیلڈ کے نام بھی شامل ہیں۔

امریکی وزارتِ دفاع پینٹاگن نے ابو غریب میں قیدیوں کے ساتھ بدسلوکی اور تشدد کی خبروں کی تردید کی تھی۔

انگلینڈ کے خلاف عراقی قیدیوں کے ساتھ بدسلوکی اور تشدد کرنے کی سازش کرنے، قیدیوں پر حملہ کرنے، اچھے احکامات کے خلاف کام کرنے، غیر اخلاقی حرکات کا ارتکاب کرنے، حکم عدولی کرنے اور اخلاق باختہ تصاویر رکھنے کے الزامات عائد کیے گئے ہیں۔

بین الاقوامی ذرائع ابلاغ نے چند ماہ قبل لنڈی انگلینڈ کی تصاویر شائع کی تھیں جس میں انھیں برہنہ قیدیوں کا تمسخر اڑاتے ہوئے اور ایک قیدی کے گلے میں رسی لپیٹ کر گھسٹتے ہوئے دکھایا گیا تھا۔

لنڈی کے وکلاء نے ان کا بھر پور دفاع کرنے کا عزم کیا ہے اور ان کے خلاف لگائے جانے والے الزامات کی تردید کرتے ہوئے عراق میں امریکی پالیسی کو ناقص قرار دیا ہے۔

وہ اس مقدمے کو کم از کم چالیس گواہوں کو پیش کرنے کی درخواست کر رہے ہیں۔

ان میں عراق میں امریکی فوج کے سربراہ ریکارڈو سانچے بھی شامل ہیں۔