 |  عراق کے عبوری وزیراعظم ایاد علاوی |
عراق کے عبوری وزیراعظم ایاد علاوی لبنان کا دورہ کر رہے ہیں۔ ان کا یہ دورہ اپنی انتظامیہ کے لیے خطے کے ممالک سے حمایت حاصل کرنے کی کوششوں کا حصہ ہے۔ وہ اس ضمن میں دیگر ممالک کا دورہ بھی کریں گے۔ توقع ہے کہ بیروت میں ہونے والے مذاکرات کے دوران اقتصادی معاملات کو اولین توجہ دی جائے گی۔ عراق کے عبوری وزیراعظم ایاد علاوی اور شام کے صدر بشرالاسد کے درمیان سرحدی سکیورٹی کے سلسلے میں مشترکہ کمیٹی تشکیل دینے پر اتفاق رائے ہو گیا ہے۔ اس سے پہلے یہ خبریں منظر عام پر آ رہی تھیں کہ غیرملکی جنگجو شام کے راستے عراق میں داخل ہوئے ہیں۔ شام کے وزیراعظم محمد ناجی اوتری نے کہا کہ ان کی حکومت عراق میں سکیورٹی کی بحالی کے لیے مدد کرنے کا تہہ دل سے ارادہ رکھتی ہے۔ اس کے علاوہ شام اور عراق کے کے درمیان یہ پیش رفت بھی ہوئی ہے کہ فریقین نے اس بات پر اصولی اتفاق کیا ہے کہ صدام حسین کی حکومت کےخاتمے کے بعد شام میں منجمند ہو جانے والے عراقی اثاثے واپس کر دیئے جائیں گے۔ ان اثاثوں کی مالیت نصف ارب سے ایک ارب ڈالر کے درمیان ہے۔ | 
یہ صفحہ دوست کو ای میل کیجیئے
پرِنٹ کریں
