لینڈنگ بہت سوفٹ تھی: برطانوی خلا باز مائیکل فولی

روسی خلائی مشن کے مطابق واپس آنے والے خلابازوں میں روس اور برطانیہ کے دو خلا باز پچھلے چھ ماہ سے خلا میں تھے جبکہ ہالینڈ سے تعلق رکھنے والے ایک خلا باز گیارہ روز بعد اپنا مشن ختم کر کے لوٹے ہیں۔

اب بین الاقوامی خلائی سٹیشن کو ایک امریکی اور ایک روسی خلاباز جو وہاں اکیس اپریل کو پہنچے تھے ، چلائیں گے۔

امریکی خلائی ادارے ناسا کے ایک ترجمان کے مطابق روسی کیپسول شویز کے لینڈنگ بہت سوفٹ تھی اور بنا کسی مشکل کے عمل میں آئی۔ لینڈنگ کے بعد روسی عملے نے خلا بازوں کو آرام دہ کرسیوں پر آرام کرنے کا موقع دیا اور پھر بعد میں ضروری طبی معائینہ کیا گیا۔

بین الاقوامی خلائی سٹیشن دنیاکے سولہ ممالک چلاتے ہیں۔ لیکن سن دو ہزار تین میں امریکی خلائی شٹل کولمبیا کے حادثے کے بعد اب اس سٹیشن تک خلا بازوں اور دوسرے سامان کو لانے کا کام روسیوں نے سنبھالا ہوا ہے۔ روس چاہتا ہے کہ خلا باز اس سٹیشن پر اپنا قیام چھ ماہ کی بجائے ایک سال تک کے لئے بڑچھ دیں لیکن امریکہ کا اصرار ہے کہ سیکورٹی اور ضروری تربیت کے بغیر ایسا کرنا مناسب نہیں۔