مقامی اسپتال زخمیوں سے اٹ گیا

دھماکہ اس قدر شدید تھا کہ تھانے اور برابر میں واقع عدالتی عمارت کو بھی نقصان پہنچا۔

عراق کی نئی پولیس فورس کے جو امریکہ نے قائم کی ہے اب تک تین سو سے زیادہ اہلکاروں کو شدت پسندی کا نشانہ بنایا گیا ہے۔

عراق میں امریکیوں کے کام کرنے والی پولیس کے خلاف یہ تازہ ترین حملہ ہے۔ یہ اسکندریہ کے علاقے میں ہوا جو کہ شیعہ اکثریتی علاقہ ہے۔ بی بی سی کے نامہ نگار کا کہنا ہے کہ ہو سکتا ہے کہ اس دھماکے میں وہ عناصر ملوث ہوں جو کہ شیعہ اکثریتی کو ہتھیار اٹھانے پر مجبور کر رہے ہیں۔

پیر کے دن امریکی حکام نے عراق میں شیعہ سنی فساد شروع کرانے کی ایک سازش کا انکشاف کیا تھا۔