کافی وِد کرن میں متنازع بیان، انڈین کرکٹرز پانڈیا اور راہُل مشکل میں
،تصویر کا ذریعہTWITTER @HARDIKPANDYA7
ٹی وی ٹاک شو کافی وِد کرن میں خواتین کے بارے میں دیے گئے متنازع بیانات کے بعد انڈین کرکٹ ٹیم کے آل راؤنڈر ہاردِک پانڈیا اور لوکیش راہُل پر شدید تنقید ہوئی، یہاں تک کہ دونوں پر دو ون ڈے میچز کی پابندی بھی لگانے کی سفارش کی گئی ہے۔
یہ سفارس بی سی سی آئی کی انتظامی کمیٹی کے سربراہ ونود رائے نے کی ہے۔
ساتھ ہی اس کمیٹی کی رکن اور انڈیا کی خواتین کی کرکٹ ٹیم کی سابق کپتان ڈیانا ایڈُلجی نے معاملے کو بی سی سی آئی کی قانونی سیل کے پاس بھیج دیا ہے۔
یہ بھی پڑھیے
حالانکہ پانڈیا نے اس بارے میں معافی بھی مانگ لی تھی۔ انہوں نے ایک ٹویٹ میں لکھا کہ وہ شو کے فورمیٹ کی وجہ سے جذبات میں بہہ گئے تھے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
خواتین کے بارے میں کی گئی ان کی متنازع باتوں کو سوشل میڈیا پر خواتین مخالف بھی کہا گیا تھا۔
اس شو میں پہلی بار کسی کرکٹر نے حصہ لیا تھا۔ ہاردِک پانڈیا کے علاوہ کے ایل راہُل بھی اس شو میں شریک تھے۔
End of سب سے زیادہ پڑھی جانے والی
شو میں پانڈیا کی کہی گئی باتوں کو خواتین مخالف اور سیکسِسٹ کہہ کر ان پر بہت تنقید کی گئی۔ اس کے بعد انڈین کرکٹ کنٹرول بورڈ یا بی سی سی آئی نے پانڈیا اور راہُل کو بدھ کو شو کاز نوٹس جاری کیا تھا۔
،تصویر کا ذریعہTWITTER @HARDIKPANDYA7
دونوں کھلاڑیوں کو 24 گھنٹے کی مہلت دی گئی تھی۔
اس کے بعد دونوں نے جواب میں بورڈ اور انتظامی کمیٹی سے معافی مانگی۔
کھلاڑیوں کے جواب پر ونود رائے نے انڈین خبر رساں ادارے پی ٹی آئی کو بتایا، ’میں ہاردِک کی وضاحت سے مطمئن نہیں ہوں اور میں نے دونوں پر دو میچز کی پابندی کی سفارش کی ہے۔ حالانکہ معاملے میں ڈیانا ایڈُلجی کی ہری جھنڑی کے بعد ہی آخری فیصلہ ہوگا۔‘
رائے نے کہا، ’ڈیانا ایڈُلجی نے اس معاملے میں قانونی رائے مانگی ہے کہ کیا دونوں کھلاڑیوں پر پابندی لگائی جا سکتی ہے۔ اس لیے فیصلے تب کیا جائے گا جب قانونی صورت حال واضح ہو جائے۔ جہاں تک میرا سوال ہے یہ بیانات احمقانہ، خراب اور ناقابل قبول ہیں۔‘
اطلاعات کے مطابق ڈیانا ایڈُلجی نے اس بارے میں بی سی سی آئی کے قائم مقام سربراہ سی کے کھنا، قائم مقام سیکرٹری امیتابھ چوہدری اور خزانچی انیرُدھ چوہدری سے بھی رائے مانگی ہے۔
،تصویر کا ذریعہTWITTER @HARDIKPANDYA7
پانڈیا نے شو میں خواتین کے ساتھ تعلقات بنانے کے بارے میں دعوی کیا اور یہ بھی بتایا کہ وہ اس بارے میں اپنے والدین سے کتنا کھل کر باتیں کرتے رہے ہیں۔
دونوں کرکٹرز ہفتے کے روز آسٹریلیا کے خلاف شروع ہونے والی تین ون ڈے میچز کی سیریز میں انڈین ٹیم کا حصہ ہیں اور اس وقت ٹیم کے ساتھ آسٹریلیا میں موجود ہیں۔
