شہزاد ملک بی بی سی اردو ڈاٹ کام، اسلام آباد

	مشیر داخلہ رحمان ملک نے کہا کہ تحقیقات جلد مکمل کر لی جائے گی

قومی اسمبلی کے اجلاس کے بعد جب وہ میڈیا کے سامنے آئے تو صحافیوں نے اُن پر سوالات کی بوچھاڑ کردی جس پر متعدد صحافیوں کا کہنا تھا کہ وہ اس واقعہ کے بارے میں سیکورٹی میں کوتاہی کے حوالے سے اپنی ذمہ داری کو قبول کرتے ہوئے اپنے عہدے سے مسترفی ہوجانا چاہیے۔ رحمان ملک کا کہنا ہے کہ امن وامان برقرار رکھنا ایک صوبائی معاملہ ہے اور وہ کیوں اس پر استعفی دیں۔

جب صحافیوں نے پوچھا کہ پنجاب میں تو منتخب حکومت کو ختم کردیا گیا اور وہاں پر گورنر راج ہے اور پنجاب کے گورنر سلمان تاثیر کا تعلق حکمراں جماعت پاکستان پیپلز پارٹی سے ہے۔ رحمان ملک نے گورنر کا نام تو نہیں لیا تاہم اُن کا کہنا تھا کہ پولیس اور دوسرے اداروں کے ذمہ داروں کے خلاف کارروائی کی جائے گی۔

انہوں نے کہا کہ پاکستان اس وقت حالت جنگ میں ہے اور بعض ملک دشمن عناصر پاکستان میں انتشار پھیلانا چاہتے ہیں۔
رحمان ملک نے کہا کہ لاہور میں سری لنکن کرکٹ ٹیم پر ہونے والے حملے کی تحقیقات کی ابتدائی رپورٹ 24 گھنٹوں میں آجائے گی۔