عبدالحئی کاکڑ بی بی سی اردو ڈاٹ کام، پشاور

	پولیس کے مطابق طالبان کے ساتھ تازہ جھڑپ جمعرات کی صبح منگلور کے علاقے میں ہوئی

تاہم آزاد ذرائع سے اس دعوی کی تصدیق نہیں ہوسکی ہے۔

سوات میڈیا سنٹر سے جاری ہونے والے ایک بیان میں کہا گیا ہے کہ جمعرات کی صبح منگلور کے علاقے میں مسلح طالبان نے سکیورٹی فورسز پر حملہ کیا جس کے بعد انکے خلاف کارروائی شروع کی گئی۔

بیان میں دعویٰ کیا گیا ہے کہ دن بھر کی کارروائی میں طالبان کے چار کمانڈر نعمان، فضل حق، حنیفہ اور بادرئی سمیت متعدد طالبان ہلاک اور زخمی ہوگئے ہیں۔ منگلور میں طالبان کے آپریشنل کمانڈر فضل گل کے زخمی ہونے کا دعویٰ بھی کیا گیا ہے۔

حکومتی بیان کے بعد طالبان کے ترجمان مسلم خان سے رابطے کرنے کی کوشش کی گئی مگر کامیابی نہیں ہوئی۔

البتہ جمعرات کی صبح انہوں نے بی بی سی کو بتایا تھا کہ چہار باغ کے علاقے میں سکیورٹی فورسز کے ساتھ ایک جھڑپ میں انکا ایک ساتھی ہلاک جبکہ تین زخمی ہوگئے ہیں۔

آزاد ذرائع نے بھی تازہ حکومتی دعوی کی تصدیق نہیں کی ہے۔اس سے قبل بھی سکیورٹی فورسز نے مختلف موقعوں پر طالبان کمانڈروں کے ہلاکت کے دعوے کیے تھے جن میں سے بعض بعد میں صحیح مگر کچھ غلط ثابت ہوئے۔