ریاض سہیل بی بی سی اردو ڈاٹ کام، کراچی

	کراچی میں ماضی قریب میں یہ پہلا دھماکہ ہے جس میں بم سائیکل میں نصب کیا گیا

بم کے ٹکڑے لگنے کی وجہ سے ایک کوسٹر بس اور کار کو بھی نقصان پہنچا ہے۔
ٹاؤن پولیس افسر ڈاکٹر امیر شیخ نے بی بی سی کو بتایا کہ یہ بم ایک سائیکل میں نصب تھا۔ انہوں نے کہا کہ صبح ساڑھے گیارہ بجے کے قریب ٹاؤن پولیس افسر راجہ عمر خطاب جیسے ہی یہاں سے گزرے تو دھماکہ ہوا اور نتیجے میں راجہ عمر اور ایک راہ گیر شاہد علی زخمی ہوگئے۔

انہوں نے بتایا کہ یہ کہنا قبل از وقت ہے کہ راجہ عمر ٹارگٹ تھے، ہوسکتا ہے ملزمان نے پولیس کی گاڑی دیکھ کر اسے نشانہ بنایا ہوا۔

	حملے میں استعمال ہونے والی سائیکل

ڈاکٹر امیر شیخ کے مطابق جب بھی کسی دہشت گرد گروہ نے کوئی کارروائی کی ہے تو اس طرح سائیکل میں بم نصب نہیں کیا گیا۔ وہ اپنی کارروائیوں میں سنجیدہ ہوتے ہیں۔

کراچی میں ماضی قریب میں اپنی نوعیت کا یہ پہلا دھماکہ ہے جس میں بم سائیکل میں نصب کیا گیا ہے، پولیس اس کے بھی تحقیقات کر رہی ہے کہ یہ ٹائم بم تھا یا ریموٹ کنٹرول ۔

زخمی پولیس افسر راجہ عمر کو آغا خان اور راہ گیر کو جناح ہسپتال منتقل کیا گیا ہے۔ راجہ عمر نے فرقہ وارنہ دہشت گردی کی واقعات کی تحقیقات اور ملزمان کی گرفتاری میں اہم کردار ادا کرتے رہے ہیں۔