ارمان صابر بی بی سی اردو ڈاٹ کام، کراچی

	سرمایہ کاروں کا خیال ہے کہ اس استعفے کے اعلان کے ساتھ ہی ملک میں سیاسی استحکام کے بارے میں بے یقینی ختم ہوئی ہے

اسٹاک ایکسچینج میں صدر پرویز مشرف کے استعفے کے بعد ماہرین کا خیال تھا کہ اب سیاسی بے چینی کا خاتمہ ہوا ہے اور اب معاشی استحکام آئے گا اور یہ ہی وجہ تھی کہ مارکیٹ میں مثبت رجحان دیکھا جارہا تھا۔

تاہم آج ماہرین کا کہنا ہے کہ حکمراں اتحاد میں دوبارہ سیاسی اختلافات سامنے آنے پر مارکیٹ پر منفی اثر پڑا ہے جبکہ حکومت سیاسی مسائل میں گھرے رہنے کی وجہ سے معاشی مسائل کی جانب توجہ بھی نہیں دے پا رہی ہے۔

اسماعیل اقبال سیکیورٹیز کے مینیجنگ ڈائریکٹر اسد اقبال کا کہنا تھا کہ مشرف کے استعفے کے بعد لوگوں کا خیال تھا کہ حکمران اتحاد یکسوئی سے معیاشی مسائل پر توجہ دے گا۔