ریاض سہیل بی بی سی اردو ڈاٹ کام، کراچی

	بس مالکان کا کہنا ہے کہ انہی نقصان ہو رہا ہے

ٹرانسپورٹروں نے ہڑتال ختم کرنے کا اعلان صوبائی وزیر ٹرانسپورٹ اختر علی جدون نے سے مذاکرات کے بعد کیا۔

صوبائی وزیر نے ٹرانسپورٹروں کی ہڑتال ختم کرانے کے لیےٹرانسپورٹ اتحاد کے دفتر جاکر مذاکرات کیئے۔

صوبائی وزیر اختر جدون نے بی بی سی سے بات کرتے ہوئے کہا کہ کرایوں میں مناسب اضافہ کیا جائے گا۔

کراچی میں منگل کو بسوں، منی بسوں اور کوچوں کے مالکان نے تیل کی قیمتوں میں حالیہ اضافہ واپس کے خلاف ہڑتال کی ۔ ٹرانسپورٹروں کا مطالبہ تھا کہ تیل کی قیمتوں میں اضافہ واپس لیا جائے۔

پاکستان میں اتوار کی شب تیل کی قیمتوں میں ریکارڈ اضافہ کیا گیا ہے جس کے بعد فی لیٹر پیٹرول کی قیمت 86.66 روپے، ڈیزل کی 56.50 روپے اور مٹی کے تیل کی قیمت 58.37 روپے فی لیٹر ہوگئی ہے۔

اس اضافے پر ملک بھر میں عوام، سیاسی اور تجارتی تنظیموں نے شدید رد عمل کا اظہار کیا ہے۔

ڈیزل کی قیمتوں میں حالیہ اضافے کے بعد ان کے لیے بسیں چلانا گھاٹے کا سودہ بن گیا ہ ٹرانسپورٹر

شہریوں نے شکایت کی ہے کہ رکشہ ٹیکسی مالکان نے بھی کرایوں میں یکمشت دوگنا اضافہ کردیا ہے۔

کراچی میں لوگوں کی اکثریت پبلک ٹرانسپورٹ میں سفر کرتی ہے اور ہڑتال کی وجہ سے کئی سرکاری اور نجی ملازم دفاتر نہیں پہنچ سکے ہیں۔

	سڑکیں ویران پڑی ہیں

ٹرانسپورٹروں کا کہنا تھا کہ ڈیزل کی قیمتوں میں حالیہ اضافے کے بعد ان کے لیے بسیں چلانا گھاٹے کا سودہ بن گیا ہے۔