رفعت اللہ اورکزئی بی بی سی اردو ڈاٹ کام، پشاور

	’اب طالبان کے خلاف کارروائیاں سرحد حکومت کے کہنے پر ہو رہی ہیں‘

ادھر سرحد حکومت نے طالبان کے امیر بیت اللہ محسود کے بیان پر انتہائی دکھ اور افسوس کا اظہار کرتے ہوئے خبردار کیا ہے کہ اگر طالبان امن اور مزاکرات نہیں چاہتے تو پھر حکومت کو مجبوراً ان کے خلاف کاروائی کرنا ہوگی۔

انہوں نے کہا کہ مہلت ختم ہونے کی صورت میں صوبائی حکومت میں شامل اہلکاروں کے خلاف کاروائیاں شروع کی جاسکتی ہے۔

جمعرات کو بی بی سی سے ٹیلی فون پر بات کرتے ہوئے تحریک طالبان پاکستان کے مرکزی ترجمان مولوی عمر نے بتایا کہ طالبان شوری اجلاس ہوا ہے جس میں ان کے امیر بیت اللہ محسود کی طرف سے یہ بیان جاری کیا گیا ہے۔

عوامی مینڈیٹ  اس سوال پر کہ صوبائی حکومت تو ووٹ لیکر اقتدار میں آئی ہے اور انہیں حکومت میں رہنے یا نہ رہنے کا فیصلہ تو عوام کریگی، ترجمان نے کہا کہ صوبائی حکومت امن قائم کرنے میں بری طرح ناکام ہوچکی ہے لہذا اسے فوری طورپر مستعفی ہونا چاہیے

انہوں نے کہا کہ صوبائی حکومت نے طالبان کے خلاف کاروائیوں کےلیے مرکز سے مدد طلب کی اور ان کے خلاف سوات اور ہنگو میں کارروائی شروع کی گئی۔

انہوں نے کہا کہ صوبائی حکومت نے امن کے نام پر لوگوں سے ووٹ لئے لیکن اب ان کے مطابق حکومت امن قائم کرنے میں مکمل طور پر ناکام ہوگئی ہے۔

اس سوال پر کہ صوبائی حکومت تو ووٹ لیکر اقتدار میں آئی ہے اور انہیں حکومت میں رہنے یا نہ رہنے کا فیصلہ تو عوام کریگی، ترجمان نے کہا کہ صوبائی حکومت امن قائم کرنے میں بری طرح ناکام ہوچکی ہے لہذا اسے فوری طورپر مستعفی ہونا چاہیے۔

انہوں نے کہا کہ ’پہلے صدر مشرف کے دور حکومت میں ان کی کارروائیاں فوج اور سکیورٹی فورسز کے خلاف تھی لیکن نئی حکومت کے وجود میں آنے کے بعد اب طالبان کے خلاف کارروائیاں سرحد حکومت کے کہنے پر ہو رہی ہیں جس میں وزیراعلیٰ، وزیر داخلہ، وزیراطلاعات شامل ہیں۔

ادھر سرحد حکومت نے طالبان کے امیر بیت اللہ محسود کے بیان پر انتہائی دکھ اور افسوس کا اظہار کرتے ہوئے خبردار کیا ہے کہ اگر طالبان امن اور مزاکرات نہیں چاہتے تو پھر حکومت کو مجبوراً ان کے خلاف کاروائی کرنا ہوگی۔

صوبائی وزیر اطلاعات اور سرحد حکومت کے ترجمان میاں افتخار نے حسین نے رابط کرنے پر بی بی سی کو بتایا کہ اگر حقیقت میں بیت اللہ محسود نے یہ بیان دیا ہے تو اس پر ان کو انتہائی افسوس اور دکھ ہے۔

انہوں نے وضاحت کی کہ ’ ہماری حکومت تو امن ، جرگہ اور عدم تشدد کے سیاست پر عمل پیرا ہے۔ اگر ایسی حکومت کے خلاف طالبان کاروائی کرنا چاہتے ہیں تو اس کا مطلب یہ ہے وہ امن ، مزاکرات اور افہام تفہیم نہیں چاہتے۔‘

تاہم انہوں نے خبردار کیا کہ اگر طالبان امن کا راستہ نہیں اپنائیں گے اور تشدد پر اترائیں گے تو حکومت کو پھر مجبوراً امن بحال کرنے کےلئے کاروائیاں کرنا ہوگی۔