اعجاز مہر بی بی سی اردو ڈاٹ کام، اسلام آباد

	یہ پہلا موقع ہے کہ الیکٹرانک میڈیا نے کسی صوبائی حکومت کے اشتہارات کا بائیکاٹ کیا ہے

ایسوسی ایشن کے سیکریٹری جنرل نے سنیچر کو جاری کردہ ایک بیان میں کہا ہے کہ عدم ادائیگی کی بنیاد پر انہوں نے یہ فیصلہ کیا ہے۔

انہوں نے مزید کہا ہے کہ آج نصف شب کے بعد پنجاب حکومت اور ان کے کسی خود مختار یا نیم خودمختار ادارے کے کسی نجی ٹی وی چینل اور ایف ایم ریڈیو سٹیشن سے اشتہار نشر نہیں ہوں گے۔

اجارہ داری کی خواہاں  پاکستان براڈ کاسٹرز ایسوسی ایشن، میڈیا پر اجارہ داری کے خواہاں چند مالکان کی تنظیم ہے اور وہ ان کے فیصلوں کے پابند نہیں عامر متین

بیان کے مطابق ایسوسی ایشن کے نمائندوں اور حکومتِ پنجاب کے درمیان اس بارے میں کئی بار رابطے اور بات چیت ہوئی لیکن یقین دہانیوں کے باوجود بھی تاحال ادائیگی نہیں ہوسکی۔

بیان میں کہا گیا ہے کہ کافی وقت سے ٹی وی چینلوں اور ریڈیو سٹیشنوں کو اشتہارات کی عدم ادائیگی حکومت کے میڈیا کو مثالی آزادای دینے کے دعوؤں کی نفی کرتا ہے۔ ان کے مطابق نشر کردہ اشتہارات کی عدم ادائیگی میڈیا کا گلا گھوٹنے کے مترادف ہے۔

پی ایم ایل(ق) کے اشتہار  گزشتہ سال کے آخر اور رواں سال کے ابتداء میں مسلم لیگ (ق) کی حکومت نے ملک بھر اور باالخصوص پنجاب میں اپنی کامیابیوں کے بارے میں طویل دورانیے کے بیسیوں اشتہارات جاری کیے تھے

پاکستان میں کچھ ٹی وی چینل ایسے بھی ہیں جو ’پاکستان براڈ کاسٹرز ایسوسی ایشن‘ کے رکن نہیں۔ ان میں سرائیکی زبان کا ٹی وی چینل روہی بھی شامل ہے۔ روہی ٹی وی کے چیف آپریٹنگ افسر عامر متین کا کہنا ہے کہ ’پاکستان براڈ کاسٹرز ایسوسی ایشن، میڈیا پر اجارہ داری کے خواہاں چند مالکان کی تنظیم ہے اور وہ ان کے فیصلوں کے پابند نہیں‘۔

واضح رہے کہ گزشتہ سال کے آخر اور رواس سال کے ابتدا میں مسلم لیگ (ق) کی حکومت نے ملک بھر اور باالخصوص پنجاب میں اپنی کامیابیوں کے بارے میں طویل دورانیے کے بیسیوں اشتہارات جاری کیے تھے۔

جب یہ اشتہارات نشر ہور رہے تھے تو اُس وقت کی حزب مخالف کی جماعتوں باالخصوص پیپلز پارٹی اور مسلم لیگ (ن) ، جو آج کی حکمران جماعتیں ہیں انہوں نے اعتراضات کیے تھے کہ مسلم لیگ (ق) اپنی جماعت اور قیادت کی مبینہ خود سراہی پر مبنی انتخابی مہم سرکاری خرچ پر چلا رہی ہے۔

پاکستان میں میڈیا کی جانب سے حکومت کے اشتہارات کا بائیکاٹ کرنے کے واقعات بہت ہی کم ہوئے ہیں اور یہ پہلا موقع ہے کہ الیکٹرانک میڈیا نے کسی صوبائی حکومت کے اشتہارات کا بائیکاٹ کیا ہے۔