عباد الحق بی بی سی اردو ڈاٹ کام، اسلام آباد

	لانگ مارچ کے شرکاء اپنی واپسی پر اس سوال کا جواب تلاش کر رہے تھے کہ اس لانگ مارچ سے انہوں نے کیا وہ مقصد حاصل کر لیا گیا ہے جس کے لیے وہ اسلام آباد پہنچے تھے

آئندہ کی حکمت عملی کے اعلان کے بغیر ختم ہونے والے اس لانگ مارچ نے کئی سوالات کو جنم دیا ہے۔ ان سوالوں میں سب سے اہم سوال یہ ہے کہ لانگ مارچ کے بعد اب وکلاء کا آئندہ قدم کیا ہوگا اور اس لانگ مارچ سے انہیں کیا کامیابی ملی ہے۔

وکلاء کا رد عمل اور اعتزاز  وکلاء کے درعمل کا اندازہ اس سے لگایا جاسکتا ہےکہ اعتزاز احسن نے اپنے خطاب میں کہا کہ جس طرح کے نعرے لگائے گئے ہیں اس سے ان کو دکھ ہوا ہے۔ ان کے بقول یہ نعرے دراصل ان کی طرف اشارے ہیں۔انہوں نے خطاب میں کہا کہ خدا قسم کسی نے کوئی سودے بازی نہیں بلکہ ہمارے پاس اتنے وسائل نہیں کہ ہم دھرنا دیں لیکن جو بیٹھا چاہتا ہے وہ بیٹھ سکتا ہے

یہ امر بھی قابل توجہ ہے کہ لانگ مارچ شروع کرنے سے پہلے آئندہ کا لائحہ عمل کیوں ترتیب نہیں دیا گیا اور کس بات کا انتظار کیا گیا ہے۔

لانگ مارچ سے پہلے اور اس کےدوران وکلاء رہنما مختلف مقامات پر اپنی تقاریر میں پارلیمنٹ ہاؤس کے سامنے دھرنا دینے کا عندیہ دیتے رہے اور اسی وجہ سے لانگ میں شامل وکیل اس تیاری کے ساتھ اسلام آباد پہنچے ان کو پارلیمنٹ کے سامنے دھرنا دینا ہے۔

قیادت کی جانب سے دھرنا نہ دینے کے اشارے ملنے پر وکلاء نے نہ صرف اس ردعمل کا اظہار کیا بلکہ نعرے بازی بھی کی گئی ہے۔

وکلاء کے درعمل کا اندازہ اس سے لگایا جاسکتا ہےکہ اعتزاز احسن نے اپنے خطاب میں کہا کہ جس طرح کے نعرے لگائے گئے ہیں اس سے ان کو دکھ ہوا ہے۔ ان کے بقول یہ نعرے دراصل ان کی طرف اشارے ہیں۔انہوں نے خطاب میں کہا کہ خدا کی قسم کسی نے کوئی سودے بازی نہیں بلکہ ہمارے پاس اتنے وسائل نہیں کہ ہم دھرنا دیں لیکن جو بیٹھا چاہتا ہے وہ بیٹھ سکتا ہے۔ ان کے بقول دھرنے سے پانچ لا کھ کا مجمعہ دو یا تین

دھرنے کے حامی وکلاء  دھرنا دینے کےحامی وکلاء کی رائے ہے کہ لمبے عرصہ کے بجائے اگر اس دن بھر کے لیے دھرنا دیا جاتا جب قومی اسمبلی کا اجلاس ہونا تھا تو اس احتجاج کے ذریعے قومی اسمبلی کو ایک مؤثر انداز میں پیغام دیا جاسکتا تھا

اگر وکلاء رہنماؤں کو اس بات کا اندازہ تھا کہ وسائل کی کمی اور موثر انداز میں پارلیمنٹ دھرنا نہیں دیا جاسکتا تو اس تاثر کو پہلے زائل کیوں نہیں کیا گیا کہ پارلیمنٹ کے پاس دھرنا نہیں ہوگا اور وکلا رہنماؤں کو اس بارے میں بیان دینے سے کیوں منع نہیں کیا گیا۔

وکلاء لانگ مارچ کا قافلہ جب اسلام آباد پارلیمنٹ ہاؤس کےسامنے پہنچا تھا تو اس وقت قومی اسمبلی کا اجلاس نہیں ہو رہا تھا لیکن جس صبح لانگ مارچ کے قافلے واپس جارہے تھے اسی زور چند گھنٹوں کے بعد قومی اسمبلی کا اجلاس ہونے والا تھا ۔

دھرنا دینے کےحامی وکلاء کی رائے ہے کہ لمبے عرصہ کے بجائے اگر اس دن بھر کے لیے دھرنا دیا جاتا جب قومی اسمبلی کا اجلاس ہونا تھا تو اس احتجاج کے ذریعے قومی اسمبلی کو ایک مؤثر انداز میں پیغام دیا جاسکتا تھا۔

لانگ مارچ کے شرکاء اپنی واپسی پر اس سوال کا جواب تلاش کر رہے تھے کہ اس لانگ مارچ سے انہوں نے کیا وہ مقصد حاصل کر لیا گیا ہے جس کے لیے وہ سفر کرکے اسلام آباد تک پہنچے تھے۔

لانگ مارچ کے بعد جلسے سے خطاب کرتے ہوئے وکلا رہنماؤں رشید رضوی کا کہنا ہے کہ جذبات میں آکر فیصلہ نہیں کیے جاتے لیکن یہاں یہ سوال بھی پیدا ہوتا ہے کہ آیا لانگ مارچ کا فیصلہ ایک سوچا سمجھ منصوبہ تھا یا جذباتی اعلان۔

لانگ مارچ کےبعد معزول ججوں کی بحالی کے لیے کیا طریقۂ کار اختیار کیا جاتا ہے اور کیا دوبارہ اتنا منظم لانگ مارچ کرنا ممکن ہوگا؟ اس کے علاوہ اس سوال کا جواب بھی آنے والے دنوں میں مل جائے گا کہ لانگ مارچ نے وکلاء تحریک کو مضبوط کیا ہے یا یہ مارچ تحریک کی کمزوری کا باعث بنے گا۔