رفعت اللہ اورکزئی بی بی سی اردو ڈاٹ کام، پشاور

	خیبر ایجنسی میں حالات گزشتہ چند ماہ سے کشیدہ ہیں

پولیٹکل انتظامیہ کے مطابق یہ واقعہ منگل کی صبح تحصیل لنڈی کوتل کے علاقے گوگرنہ میں پیش آیا۔

ایک سرکاری اہلکار نے بی بی سی کو بتایا کہ انصار اسلام کے ایک اہم کمانڈر مولانا مستعمین کو آٹھ ماہ قبل پشاور سے لشکر اسلام کے حامیوں نے اغواء کیا تھا جس کے بعد سے وہ ان کے تحویل میں تھے۔

منگل کی صبح مولانا مستعمین کو لشکر اسلام کے سربراہ منگل باغ کے مرکز گوگرنہ میں لوگوں کے سامنےگولیاں مار کر قتل کر دیا گیا۔ مولانا مستمعین کا شمار انصار الاسلام کے اہم کمانڈروں میں ہوتا تھا۔ لشکر اسلام اور انصار اسلام کی طرف سے تاحال اس قتل پر کوئی ردعمل ظاہر نہیں کیا گیا ہے۔

واضح رہے کہ خیبر ایجنسی کے دو میبنہ شدت پسند تنظیموں لشکر اسلام اور انصار الاسلام کے مابین کافی عرصہ سے مسلکی اختلافات چلے آرہے ہیں جس میں اب تک دونوں طرف درجنوں افراد ہلاک ہوچکے ہیں۔