عبدالحئی کاکڑ
بی بی سی اردو ڈاٹ کام، پشاور |  |
| | | بم حملے میں دیسی ساختہ دھماکے خیز مواد کا استعمال کیا گیا |
صوبہ سرحد کے ضلع کوہاٹ میں حکام کا کہنا ہے کہ سکیورٹی فورسز پر ہونے والے ایک بم حملے میں ایک اہلکار ہلاک جبکہ دو زخمی ہوگئے ہیں۔ فوجی ذرائع کا کہنا ہے کہ واقعہ جمعہ کی رات کو کوہاٹ شہر میں واقع او ٹی ایس لائن میں اس وقت پیش آیا ہے جب سکیورٹی فورسزکی ایک گاڑی سڑک کے کنارے نصب بم کے ساتھ ٹکرائی جس کے نتیجے میں ایک اہلکار ہلاک جبکہ دو زخمی ہوگئے۔ اہلکار کے مطابق اس بم حملے میں دیسی ساختہ دھماکے خیز مواد کا استعمال کیا گیا ہے۔ او ٹی ایس لائن میں فوجی کالونی اور فائرنگ رینج واقع ہیں۔ ذرائع کا کہنا ہے کہ یہاں ہی سےسکیورٹی فورسز نیم قبائلی علاقے درہ آدم خیل میں مبینہ طور پر سرگرم مقامی طالبان کے ٹھکانوں کونشانہ بناتے رہے ہیں۔ صوبہ سرحد کے دارالحکومت پشاور سے تقریباً چالیس کلومیٹر دور واقع درہ آدم خیل میں گزشتہ سال سکیورٹی فورسز نے مقامی طالبان کے خلاف آپریشن کیا تھا جس کے نتیجے میں طالبان علاقہ چھوڑنے پر مجبور ہوگئے تھے تاہم گزشتہ کچھ عرصے سے طالبان کی جانب سےسکیورٹی فورسز پر ہونے والےحملوں میں ایک بار پھر اضافہ دیکھنے میں آیا ہے۔ | 
’باجوڑ حملے کا انتقام‘: اہلکار قتل
