رفعت اللہ اورکزئی بی بی سی اردو ڈاٹ کام، پشاور

	تازہ جھڑپوں میں لوئر کرم کے علاقوں میں نو مزید افراد زخمی ہوگئےہیں

دوسری طرف علاقے میں شدید لڑائی کا سلسلہ بدستور جاری ہے جس میں نو مزید افراد کے زخمی ہونے کی اطلاعات ہیں۔

کرم ایجنسی سے موصولہ اطلاعات میں سرکاری ذرائع کے مطابق کوہاٹ ڈویژن کے ریجنل کوآرڈنیشن افسرعمر آفریدی پیر کو لوئر کرم کے صدر مقام صدہ پہنچ رہے ہیں جہاں وہ اہل سنت والجماعت کے چھ قبائل کے مشران سے امن بات چیت کریں گے۔

گزشتہ روز ریجنل کوآرڈنیشن افسرعمر آفریدی نے اچانک پارہ چنار کا دورہ کیا تھا اور وہاں اہل تشیع کے مشران سے علاقے میں فوری جنگ بندی اور امن قائم کرنے کے حوالے سے اہم مذاکرات کئے تھے۔ بعض ذرائع کا کہنا ہے کہ ابتدائی مذاکرات کے بعد فریقین جنگ بندی پر رضامند ہوگئے ہیں۔

تاہم دوسری طرف علاقے میں شدید جھڑپوں کا سلسلہ آج بھی جاری ہے جس میں دونوں طرف سے بھاری اور خودکار ہتھیاروں کا آزادانہ استعمال کیا جارہا ہے۔ عینی شاہدین کا کہنا ہے کہ تازہ جھڑپوں میں لوئر کرم کے علاقوں میں نو مزید افراد زخمی ہوگئے ہیں۔

اشیاء خوردنوش کی قلت  لڑائی اور مسلسل کشیدگی کی وجہ سے تمام اہم شاہراہیں اور سڑکیں کئی ہفتوں سے مکمل طورپر بند پڑے ہیں جس سے مقامی لوگوں کو پشاور اور دیگر علاقوں تک پہنچنے میں شدید دقت کا سامنا ہے۔ اس کے علاوہ علاقے میں اشیاء خوردونوش اور ادویات کی بھی شدید قلت پائی جاتی ہے

تاہم حملے سے جرگہ اراکین کو کوئی نقصان نہیں پہنچا۔ انہوں نے کہا کہ جرگہ میں اسسٹنٹ پولیٹکل ایجنٹ لوئر اور سنٹرل کے علاوہ ہنگو امن جرگہ اور علاقے کے دو سو کے قریب مشران شریک تھے۔ اہلکار نے بتایا کہ اس واقعہ کے بعد جرگہ کا اجلاس کسی نامعلوم پر منتقل کردیا گیا۔

ادھر علاقے میں لڑائی اور مسلسل کشیدگی کی وجہ سے تمام اہم شاہراہیں اور سڑکیں کئی ہفتوں سے مکمل طورپر بند پڑے ہیں جس سے مقامی لوگوں کو پشاور اور دیگر علاقوں تک پہنچنے میں شدید دقت کا سامنا ہے۔ اس کے علاوہ علاقے میں اشیاء خوردونوش اور ادویات کی بھی شدید قلت پائی جاتی ہے۔

واضح رہے کہ کچھ روز قبل پارہ چنار سے فوج کی نگرانی میں پشاور جانے والے مسافر گاڑیوں کے قافلے پر بم حملے کے بعد علاقے میں فرقہ وارانہ فسادات پھوٹ پڑے تھے جس میں مقامی ذرائع کے مطابق اب تک چالیس کے قریب افراد ہلاک اور سو سے زائد زخمی ہوچکے ہیں۔ علاقے میں فوج اور فورنٹیر کور کے دستے موجود ہیں تاہم بظاہر حکومت لڑائی روکنے اور علاقے میں امن قائم کرنے میں ناکام دکھائی دیتی ہے۔