شہزاد ملک بی بی سی اردو ڈاٹ کام، اسلام آباد

	فوج کی سول اداروں سے واپسی کا عمل اٹھارہ فروری کو ہونے والے عام انتخابات سے پہلے شروع ہو جائے گا۔

ان احکامات کےمطابق واپڈا، قومی احتساب بیورو، نیشنل ہائی ویز اتھارٹی، وزارت داخلہ اور وزارت مواصلات سمیت متعدد اداروں سے فوجی افسروں کی واپسی کا عمل مرحلہ وار شروع ہوگا۔

ڈی جی آئی ایس پی آر میجر جنرل اطہر عباس نے بھی اس بات کی تصدیق کی ہے۔ فوج کی سول اداروں سے واپسی کا عمل اٹھارہ فروری کو ہونے والے عام انتخابات سے پہلے شروع کر دیا جائے گا۔

اس سے پہلے جنوری میں جنرل کیانی نے فوجی افسران کے لیے سیاست دانوں سے میل جول پر پابندی کے احکامات بھی جاری کیے تھے۔

تجزیہ نگاروں کا کہنا ہے کہ نئے آرمی چیف کے حالیہ بیانات فوج کے متاثر ہونے والے کردار اور ساکھ کو بہتر بنانے کی ایک کوشش ہیں۔

واضح رہے کہ فوج کا تعلقاتِ عامہ کا شعبہ، فوج کے کردار کو بہتر بنانے کے لیے دیگر اقدامات کے ساتھ ساتھ سرکاری ٹیلی وژن پر ایک ٹی وی ڈارمہ بھی پر نشر کر رہا ہے۔