نثار کھوکھر بی بی سی اردو ڈاٹ کام، لاڑکانہ

ہسپتال کے ایک اہلکار کے مطابق بینظیر بھٹو کو مردہ حالت میں ہسپتال لایا گیا تھا

گڑھی خدا بخش میں پیپلز پارٹی کے کارکن ہزاروں کی تعداد میں جمع ہو چکے ہیں جبکہ پورے پاکستان سے کارکنوں کے قافلے اپنی رہنماء کی آخری رسومات میں شرکت کے لیے لاڑکانہ پہنچ رہے ہیں۔

بینظیر بھٹو کا جسد خاکی پاکستان ایئرفورس کے ایک 130-C طیارے کے ذریعے راولپنڈی سے سکھر اور پھر وہاں سے ہیلی کاپٹر پر ان کے آبائی شہر لاڑکانہ کے موہنجوداڑو ایئرپورٹ پہنچایا گیا تھا۔

بینظیر بھٹو قاتلانہ حملے میں ہلاک

دھماکے کے فوراً بعد کے مناظر

آپ کی رائے: بینظیر پر قاتلانہ حملہ

حملے سے پہلے، حملے سے بعد

بینظیر بھٹو– اہم سیاسی واقعات

آصف علی زرداری اور ان کے بچے خصوصی طیارے کے ذریعے دبئی سے اسلام آباد پہنچےتھے۔

موہنجوداڑو ایئرپورٹ سے بینظیر بھٹو کی میت لاڑکانہ میں ’نوڈیرو ہاؤس‘ پہنچی تو موقع پر موجود سینکڑوں کارکن زار و قطار رونے لگے۔ ان میں سے کئی نے سینہ کوبی شروع کر دی۔

لاڑکانہ بذریعہ سڑک  بے نظیر بھٹو کی میت راولپنڈی جنرل ہسپتال سے چکلالہ ایئربیس لے جائے جانے سے پہلے پیپلز پارٹی کے ایک رہنماء کا کہنا تھا کہ وہ میت کو سڑک کے راستے ہی ان کے آبائی قصبے لاڑکانہ لے جائیں گے

میت کے ساتھ ان کے پیپلز پارٹی رہنماء مخدوم امین فہیم، راجہ پرویز اشرف، شیریں رحمان اور دیگر شامل تھے۔ پیپلز پارٹی کے مقامی رہنماؤں کا کہنا ہے کہ تدفین کا وقت بینظیر بھٹو کے شوہر آصف علی زرداری پارٹی رہنماؤں سے مشاورت کے بعد طے کریں گے۔

بینظیر بھٹو کو گڑھی خدا بخش میں ان کے والد ذوالفقار علی بھٹو کے پہلو میں دائیں جانب دفن کیا جائے گا۔

اس سے قبل پاکستان کے نگران وزیر داخلہ لیفٹیننٹ جنرل (ر) حامد نواز نے اعلان کیا تھا کہ بے نظیر بھٹو کی میت جمعرات کی رات ہی لاڑکانہ بھجوا دی جائے گی۔ ان کا کہنا تھا کہ بے نظیر بھٹو کی میت ان کے شوہر آصف زرداری کے حوالے کی جائے گی۔

اسلام آباد سے نامہ نگاروں ہارون رشید اور شہزاد ملک کے مطابق بے نظیر بھٹو کی میت راولپنڈی جنرل ہسپتال سے چکلالہ ایئر بیس لے جائے جانے سے پہلے پیپلز پارٹی کے ایک رہنماء کا کہنا تھا کہ وہ میت کو سڑک کے راستے ہی ان کے آبائی قصبے لاڑکانہ لے جائیں گے۔

بے نظیر بھٹو کی میت جب ہسپتال سے باہر لائی گئی تو سینکڑوں کی تعداد میں غصے سے بھرے پیپلز پارٹی کے کارکن دھاڑے مار مار کر رو رہے تھے اور صدر پرویز مشرف کے خلاف نعرے بازی کر کے اپنے غصے کا اظہار کر رہے تھے۔

ہسپتال کے ایک اہلکار نے بی بی سی سے بات کرتے ہوئے بتایا کہ بے نظیر بھٹو کو جب ہسپتال لایا گیا تو وہ دم توڑ چکی تھیں۔ پروفیسر مصدق خان نے کہا کہ انہیں اوپن ہارٹ مساج کے ذریعے انہیں دوبارہ زندہ کرنے کی کوشش بھی ناکام رہی۔

ڈاکٹروں نے یہ بھی بتایا کہ ایک گولی ان کی شہ رگ میں لگ کر سر سے نکلی ہے، جس سے دماغ کا پچھلا حصہ اڑ گیا۔ تاہم ڈاکٹروں کی ایک اور رائے یہ بھی ہے کہ یہ زخم دو الگ الگ گولیوں کی وجہ سے آئے۔ ابھی ابتدائی پوسٹ مارٹم رپورٹ تیار کی جا رہی ہے۔

	بینظیر بھٹو دو مرتبہ پاکستان کی وزیر اعظم بنیں

دھماکے کے چند عینی شاہدوں نے بی بی سی سے بات کرتے ہوئے بتایا کہ حملہ آور ایک نوجوان شخص تھا جو ایک گاڑی سے اتر کر بینظیر بھٹو کی گاڑی کے قریب آیا اور ان پر فائر کھول دیا۔

جب اسے پکڑنے کی کوشش کی گئی تو اس نے اپنے آپ کو دھماکے سے اڑا دیا۔ جاں بحق ہونے والے افراد کی لاشیں ہسپتال سے جلوس کی شکل میں لے جائی جا رہی ہیں اور ان کے ہمراہ غمزدہ کارکن شدید نعرے بازی کر رہے ہیں۔ ہسپتال میں ماحول خاصا سوگوار ہے۔