ایوب ترین بی بی سی اردو ڈاٹ کام، کوئٹہ

	حملے کی ذمہ داری طالبان نےقبول کی ہے

بتایا گیا ہے کہ یہ دھماکہ ایک خودکش حملہ کے نتیجے میں ہواہے جس میں حملہ آورنے دھماکہ خیزمواد سے لدی ہوئی اپنی موٹرسائیکل افغان سکیورٹی فورس کی گاڑی سے ٹکرا دی جس کے نتیجے میں گاڑی میں سوار افغان سرحدی فورس کے کمانڈر صمد خان سمیت چھ سکیورٹی اہلکار موقع پرہلا ک ہوگئے۔ اس حملے میں دو راہگیر بھی مارے گئے ہیں۔ طالبان نے اس حملے کی ذمہ داری قبول کی ہے۔

واقعہ کے بعد زخمیوں کومقامی ہسپتال میں منتقل کردیا گیا ہے جبکہ پاکستان کے ساتھ سرحد پر سیکورٹی میں اضافہ کردیا گیا۔

چمن سے مقامی صحافی اصغر اچکزئی کے مطابق یہ حملہ اسپین بولد ک میں افغان سرحد ی فورس کے انچارج کمانڈرعبدالرازق کی گاڑی پرکیاگیا تھا جواس وقت اپنے گاڑی میں موجود نہیں تھے۔ واضع رہے کہ عبدالرازق پرایک ماہ قبل بھی بولدک میں ایک خود کش حملہ ہوا تھا جس میں وہ محفوظ رہے۔ اُس حملے میں بھی پانچ افراد ہلاک ہوئے تھے۔