ذوالفقار علی بی بی سی، اردو ڈاٹ کام، مظفرآباد

	ہڑتال کرنے والے کی سب سے زیادہ تعداد اکاونٹنٹ جنرل کے دفاتر میں ہے

ہڑتال کرنے والے ملازمین مطالبہ کر رہے ہیں کہ زلزلے سے متاثر ہونے والے ملازمین کوگھروں کی تعمیر کے لیے، کشمیر کے دیگر سرکاری محکموں کے ملازمین کی طرح پرانے قرضے معاف کر کے نئے قرضے فراہم کیے جائیں۔

محمکہ اکاؤنٹس کے لگ بھگ پانچ سو نان گزیٹڈ ملازمین کی قلم چھوڑ ہڑتال جمعرات کو ساتویں روز میں داخل ہو چکی ہے۔

ہڑتال کی وجہ سے کشمیر کے اس علاقے کےسرکاری محمکوں کے روزمرہ اخرجات کی ادائیگی اور تعمیراتی کاموں کے لیے رقوم کی فراہمی رک گئی ہے۔

مطالبات پر انتظامیہ کا موقف  ملازمین کے مطالبات سے اتفاق ہے اور کارروائی ہو رہی ہے اور تاخیر مطالبات کی تفصیلات دیر سے ملنے کے باعث ہوئی۔ ہڑتال کا کوئی جواز نہیں ہے اور ملازمین کو ہڑتال ختم کر دینی چاہیے جوائنٹ سکریٹری کشمیر کونسل

جب کہ ملازمین کا کہنا ہے کہ مطالبات تحریری طور پر حکام کو دے دیے گئے تھے لیکن یقین دہانیوں کے باجود انہیں تسلیم نہیں کیا گیا۔ ان کا کہنا ہے کہ جب تک مطالبات پورے نہیں ہوتے ہیں وہ ہڑتال ختم نہیں کریں گے۔