عزیزاللہ خان بی بی سی اردو ڈاٹ کام، کوئٹہ

	کوئٹہ میں اس سے پہلے بھی بائیس جون کو ایک حجام کی دکان پر دھماکہ ہوا تھا۔

یہ دھماکہ اس وقت ہوا ہے جب کوئٹہ کے صادق شہید پارک میں حزب اختلاف کی جماعتوں کے اتحاد ’آل پارٹیز ڈیموکریٹک موومنٹ‘ کا جلسہ ہو رہا ہے۔

کوئٹہ کے پولیس افسر رحمت اللہ نیازی نے بتایا ہے کہ نامعلوم افراد نے دیسی ساختہ بم ایک حجام کی دکان کے اندر پھینکا ہے جس سے دکان میں کام کرنے والے کارکن اور چار گاہک زخمی ہوئے ہیں۔ دو زخمیوں کی ٹانگیں بری طرح متاثر ہوئی ہیں۔

کوئٹہ میں بائیس جون کو مصروف بازار پرنس روڈ پر ایک حجام کی دکان میں دیسی ساختہ بم پھینکا گیا تھا جس سے چار افراد زخمی ہو گئے تھے۔

کوئٹہ اور صوبے کے دیگر شہروں میں زیادہ تر حجام صوبہ پنجاب سے آئے ہوئے ہیں لیکن ان واقعات کے بعد بڑی تعداد میں حجام واپس اپنے شہروں کی طرف جا رہے ہیں۔

کوئٹہ میں حکومت کی جانب سے حجام مالکان سے کہا گیا ہے کہ وہ رات دس بجے تک دکانیں بند کر دیا کریں۔

کل رات کوئٹہ میں دو دھماکے ہوئے ہیں ایک دھماکہ کھلے مقام پر ہوا ہے جبکہ دوسرا دھماکہ ایک مکان میں دستی بم پھینکنے سے ہوا ہے لیکن کسی قسم کی نقصان کی اطلاع نہیں ملی۔