عبدالحئی کاکڑ بی بی سی اردوڈاٹ کام، پشاور

	اسلم فاروقی اتوار کی صبح گیارہ بجے پشاور کے کوہاٹی چوک میں اپنےگھر سے جا رہے تھے

پشاور کے ڈی آئی جی عبدالمجید مروت نے واقعے کی تصدیق کرتے ہوئے بی بی سی کو بتایا کہ محمد اسلم فاروقی اتوار کی صبح گیارہ بجے پشاور کے کوہاٹی چوک سے ملحقہ محلہ شاہ نقشبندیہ میں اپنےگھر سے نکل کر جا رہے تھے کہ دو موٹر سائیکل سواروں نے فائرنگ کر کے انہیں موقع پر ہی ہلاک کردیا۔

ان کے بقول پولیس نے واقعے کے بعد ایک ملزم کو گرفتار کر لیا ہے تاہم ڈی آئی جی نے اس سلسلے میں مزید تفصیلات دینے سے انکار کر دیا۔

پشاور کے ایس ایس پی طاہر خان نے بی بی سی کو بتایا کہ گرفتار ہونے والے شخص کے ہاتھ میں پستول تھا اور فرار ہونے کی کوشش کے دوران ہی لوگوں نے اسے پکڑ کر پولیس کے حوالے کردیا۔