عباس نقوی کراچی

	لاہور کے وکلاء نے بھی لال مسجد آپریشن میں ہلاک ہونے والوں کی غائبانہ نماز جنازہ ادا کی ہے

غائبانہ نماز جنازہ کے بعد وکلاء نے حکومت اور جنرل پرویز مشرف کے خلاف نعرے بازی کی اور لال مسجد میں ہلاک ہونے والے افراد کے لیے دعاۓ مغفرت کی۔

کراچی بار ایسوسی ایشن کے جنرل سیکرٹری نعیم قریشی ایڈووکیٹ نے کہا کہ اسلام آباد میں حفاظ کا ’قتلِ عام‘ دراصل انسانیت کا قتل ہے۔ حکومت کے اس اقدام کو تاریخ میں یاد رکھا جاۓ گا۔ ’چار سو سے زائد بےگناہ افراد کو قتل کیا گیا، حکومت نے لاشیں چھپائیں اور تابوتوں میں دو دو لاشیں دفن کیں‘۔

کراچی سے پہلے لاہور اور ملک کے بعض دوسرے شہروں میں بھی لال مسجد آپریشن میں ہلاک ہونے والے افراد کی غائبانہ نمازِ جنازہ ادا کی گئی ہے۔