دلاور خان وزیر بی بی سی اردو ڈاٹ کام، ڈیرہ اسماعیل خان

	پولیس کے مطابق دونوں حملہ آور فرار ہونے میں کامیاب ہوگئے ہیں

پولیس کا کہنا ہے کہ بدھ کو بارہ بجے کے قریب دو نامعلوم افراد جو ایک موٹر سائیکل پر سوار تھے، آفتاب احمد فاروقی کے گھر کے سامنے موٹر سائیکل سے اترے۔ ایک شخص گھر میں داخل ہوا جبکہ دوسرا باہر کھڑا انتظار کرتا رہا۔

گھر میں داخل ہونے والے شخص نے داخل ہوتے ہی ان پر فائرنگ شروع کردی جس کے نتیجہ میں آفتاب احمد موقع پر ہی ہلاک ہوگئے۔

پولیس نے بتایا کہ دونوں حملہ آور فرار ہونے میں کامیاب ہوگئے ہیں تاہم ان کی تلاش کا کام جاری ہے۔

کچھ دن قبل آفتاب احمد کے ماموں محمد سعید کو بھی ناملعوم افراد نے ہلاک کردیا تھا۔ آفتاب احمد کا تعلق جماعت اہلِ سنت سے بتایا جاتا ہے۔