عزیزاللہ خان بی بی سی اردو ڈاٹ کام، کوئٹہ

	بلوچستان کے دیگر ساحلی علاقے جیسے جیوانی اور پسنی میں بھی مچھیروں کو نقصان پہنچا ہے

گوادر سے مچھیروں نے بتایا ہے کہ فش ہاربر اور جے ٹی نہ ہونے کی وجہ سے صبح سویرے شدید طوفان سے ان کی متعدد کشتیاں ڈوب گئیں اور سینکڑوں کو نقصان پہنچا جب کہ انجن اور جال تباہ ہوگئے۔ بلوچستان کے دیگر ساحلی علاقے جیسے جیونی اور پسنی میں بھی مچھیروں کی املاک کو نقصان پہنچا ہے۔

کوئٹہ میں محکمہ موسمیات کے انچارج ضیاءالدین نے بتایا ہے کہ یہ سمندری طوفان بلوچستان کے ساحلی علاقوں کے قریب سے اٹھا ہے اور اس سے خلیجی ممالک کے ساحل بھی متاثر ہو سکتے ہیں۔

خلیجی ساحل بھی متاثر ہو سکتے سمندری طوفان بلوچستان کے ساحلی علاقوں کے قریب سے اٹھا ہے اور اس سے خلیجی ممالک کے ساحل بھی متاثر ہو سکتے ہیں۔

ماہی گیروں نے بتایا ہے کہ حکومت گوادر کی ترقی اور گہرے پانی کی بندرگاہ کے دعوے تو بہت کر رہی ہے لیکن ماہی گیروں کے لیے کوئی فش ہاربر قائم نہیں کی گئی جس کی وجہ سے انہیں ہر سال نقصان اٹھانا پڑتا ہے۔